kay imo na akong nalipay
(Balak ni RSB)
sa akong panaw
daghan akong nakit-an
apan wala ka
busa naalaan akong
buang sa akong tupad
sa bus
kay nakigsulti ako sa
akong kaugalingon
abi ko'g walay namati
pagkataas pa sa akong
panaw wa ko kabalo
kon asa ang kataposan niini
wa ko kulbai
wa na akoy gikahadlokan
ning akong
taas nga latas sa kinabuhi
gilantaw ko lang
ang lain-laing nawong sa
kalibotan
kon matapos na man
ang pagtuyok
kon mahupyak na ang yuta
kon maabre na ang baba
sa dakong lawod
ug lumsan kitang tanan
dili na ako magmahay
tungod ka hagbay ra akong
mibaktas ning
halayo ko kaayong
panaw
kon mahanaw na man
ang tanan
dili na ako magmahay
imo na akong nalipay
No comments:
Post a Comment