GIHIGUGMA KA SA DIYOS BISAG UNSA PA MAN ANG IMONG KAHIMTANG (God Loves You In Spite of Your Circumstances) Hinubad ni Edgar Gabay Agustilo

Bisag unsa ang imong krus,
Bisag unsa ang imong kasakit,
Mosidlak ra gihapon ang adlaw,
Inig tu-ang sa ulan…

Tingali ug mapandol ka,
Tingali ug madagma pa,
Apan ang Diyos kanunay’ng andam,
Pagtubag sa imong pagsangpit…

Sayod Siya sa matag ngotngot sa imong kasingkasing,
Makakita sa imong paghilak,
Kay ang pulong nga mogawas sa Iyang baba,
Mopakalma sa matag luha…

Ang imong kasubo mahimong modugay,
Sa tibuok gabii,
Apan kalit mahanaw,
Inigbuklad sa kahayag sa sayong kabuntagon…

Ang Manluluwas gahulat,
Sa usa ka dapit,
Pagtunol sa Iyang Grasya,
Ug paghatod sa Iyang Gugma…

Bisag unsa pa man ang imong krus,
Bisag unsa pa man ang imong kasakit,
Ang Diyos kanunay mopadala ug balangaw…
Inig tu-ang sa ulan…

(Whatever your cross,
Whatever your pain,
There will always be sunshine,
After the rain ....

Perhaps you may stumble,
Perhaps even fall,
But God's always ready,
To answer your call ...

He knows every heartache,
Sees every tear,
A word from His lips,
Can calm every fear ...

Your sorrows may linger,
Throughout the night,
But suddenly vanish,
In dawn's early light ...

The Savior is waiting,
Somewhere above,
To give you His grace,
And send you His love ..

Whatever your cross,
Whatever your pain,
"God always sends rainbows ....
After the rain ... ")