may gamot ba ang kalipay?
Balak ni Bason Di-ay
Kon pwede lang unta
igaid ang kalipay.
Kon pwede lang unta
ibutang sa garapa
o di ba himoong pickles
para molungtad.
Asinan ba kaha para magdugay.
May langit ba ang ugat sa kalipay?
O sama sab sa kasakit,
naggukod sa hangin
nga lumalabay
sama sa usa ka ferris wheel--
taas nga kalipay,
mubo nga kalipay--
bisan unsa kahabog,
mousab kini padulhog.
No comments:
Post a Comment