-Poetry Corner- Solitude

INUSARA

(Hinubad ni Edgar Gabay Agustilo gikan sa Solitude ni Ella Wheeler Wilcox, nga unang namantala sa The New York Sun, Feb. 25, 1885)

Katawa ug ang kalibutan mokatawa uban kanimo
Hilak ug mag-inusara ka nga mohilak
Dugay na nga magul-anon ang katawhan sa hinulaman nga kalipay
Paigo nianang kaugalingon nga mga kabilinggan
Pag awit ug motubag ang mga kabukiran
Panghupaw ug aron padparon sa kahanginan
Mga alingawngaw moalibyo sa makapahimuot nga tunog
Kay mokiyos sa tingog nga maamumahon

Paglipay ug mangita kanimo ang katawhan
Pagsubo aron sila mobiya ug ikaw talikdan
Sukdon unsa ang kanimo makalipay
Kay wala sila magkinahanglan sa imong mga kasubo
Paglipay ug ang imong mga higala modaghan
Pagsubo ug ikaw hinuon ang kanila kawad-an
Sa matam-is mo nga bino wala ni bisan usa kanila nga ikaw balibaran
Apan kung apdo na gani sa kinabuhi, mag-inusara ka sa pag inom
Kay ang kalamposan daghan ug amahan apan ang kapakyasan, ilo nga tulapos

Pagpista ug ang imong mga hawanan magdasok
Pagpuasa ug ang kalibutan mopadayon sa iyang paglabay
Pagmalamposon ug panghatag aron ikaw tabangan sa pagpakabuhi
Dili ka pasagdan ni bisan kinsang tawo nga mamatay
Kay may luna ang mga giblang sa kalipay
Apan dili sa mahabog ug garboso nga magpaharihari
Kay ang matag usa kanato hulipan man gayod sa dayon
Nianang masigpit nga pasilyo sa mga kasakit ug kalipay.